၂၇၅၁နှစ်မြောက် ကရင်နှစ်သစ်ကူးနေ့ အခမ်းအနား ဒီဇင်ဘာ ၂၅ တွင် ကျင်းပမည်

(စင်္ကာပူ၊ ဒီဇင်ဘာ ၁၁ရက်)

ကရင် တိုင်းရင်းသားတို့၏ အထူး အလေးအမြတ်ထားရာ ရက်မြတ် တစ်ခုဖြစ်သည့် ကရင် အမျိုးသား နှစ်သစ်ကူးနေ့ အခမ်းအနားကို စင်္ကာပူနိုင်ငံတွင် ယခုနှစ် ဒီဇင်ဘာလ (၂၅) ရက်နေ့ ညနေ ၅နာရီတွင် ကျင်းပ ပြုလုပ်မည် ဖြစ်သည်။ ယခုနှစ် ကျင်းပသည့် နှစ်သစ်ကူးပွဲတော်သည် ကရင်သက္ကရာဇ် ၂၇၅၁ နှစ်မြောက် ဖြစ်သည်။ ကရင် လူမျိုးများသည် နှစ်စဉ် ကရင်လ သလေး ထိုင်ခုတ်ဖို (ပြာသို) လဆန်း တစ်ရက်နေ့ကို ကရင် နှစ်သစ်ကူးနေ့အဖြစ် တရားဝင် သတ်မှတ်ပြီး အထိမ်းအမှတ်ပွဲများကို ကျင်းပ ပြုလုပ်လျှက်ရှိကြသည်။ ပြည်ထောင်စု မြန်မာနိုင်ငံတွင်းရှိ ကရင် တိုင်းရင်းသားများ သာမက နိုင်ငံတကာသို့ အကြောင်း အမျိုးမျိုးကြောင့် ရောက်ရှိနေကြသော ကရင် တိုင်းရင်းသားများပါမကျန် အထူး အလေးအမြတ်ထားကာ အဆိုပါ နှစ်သစ်ကူးပွဲတော်ကို ကျင်းပလျှက်ရှိကြသည်။ စင်္ကာပူနိုင်ငံတွင် ယခုနှစ် ကျင်းပမည့် ကရင် အမျိုးသား နှစ်သစ်ကူးပွဲတော် အခမ်းအနားကို စင်္ကာပူနိုင်ငံ Shenton Way, No. 7 Singapore 068810 ရှိ Singapore Conference Hall တွင် စည်ကားသိုက်မြိုက်စွာ ကျင်းပပြုလုပ်ကြမည် ဖြစ်သည်။ အဆိုပါ အခမ်းအနားတွင် ကရင်အမျိုးသား အလံတော်အား အလေးပြုခြင်း အစီအစဉ်၊ ကရင် ထူးချွန်လူငယ်များအား ဆုပေးခြင်း အစီအစဉ်၊ ဟောပြောပွဲ အခမ်းအနား အစီအစဉ်များသာမက၊ စင်္ကာပူရောက် ကရင် တိုင်းရင်းသားများက တင်ဆက်ကြသည့် ဒုံးယိမ်းအကများ၊ ကရင် တေးသံသာများကို ဝေေ၀ဆာဆာ ခံစားရှုမြင်ရမည်ဖြစ်ကြောင်း သက်ဆိုင်ရာက သတင်းရရှိပါသည်။ အဆိုပါ အခမ်းအနား ကျင်းပမည့် Tanjong Pagar ရထားဘူတာရုံ၏ ထွက်ပေါက် (Exit) “E” မှ လေးမိနစ်ခန့် လမ်းလျှောက်လျှင် ရောက်နိုင်မည် ဖြစ်သည်။ အခမ်းအနား ကျင်းပရာ အဆောက်အအုံသည် Shenton Way လမ်းပေါ်တွင်ရှိပြီး DBS Building Tower 1 နှင့် မျက်နှာချင်းဆိုင် ဖြစ်သည်။ နေရာ အသေးစိတ်သိလိုပါက ဒီနေရာ ကို နှိပ်ပြီး ကြည့်နိုင်ပါသည်။

(သတင်း-ကရင်လေး မောင်ထင်)